Rəqiblərimizin oyunu baş tutmayacaq?

DÇ-2014-ün seçmə mərhələsi çərçivəsində millimizin aldığı qrupda keçirilməli olan Rusiya - Lüksemburq matçının başlama saatı dəyişib. Futbolxeber.az-ın məlumatına görə, əlverişsiz hava şəraiti buna səbəb olub. Güclü yağış səbəbindən Kazandakı Mərkəzi stadionun ot örtüyü pis hala düşüb. Bu səbəbdən də oyunun əvvəldən nəzərdə tutulduğu kimi 19:30-da yox, 20:30-da start götürəcəyi gözlənilir. Lakin bu da dəqiq deyil. 20:15-də UEFA nümayəndəsi yenidən qazaona baxış keçirəcək. Əgər, bu dəfə də qazon istənilən səviyyədə olmasa, matçın təxirə salınması da mümkündür.