"Azərbaycan üzərində qələbə qazansaq, Rusiyaya yüksək əhval-ruhiyyədə yollanacağıq"

"Uzun müddətdir ki, azarkeşlərimizi sevindirmək istəyirik. Arzu edirəm ki, azarkeşlər millinin oyununa görə fəxr etsinlər". Futbolxeber.az-ın məlumatına görə, bu sözləri İsrail millisinin baş məşqçisi Eli Qutman deyib. Sentyabrın 7-də Ramat-Qan şəhərində DÇ-2014-ün seçmə mərhələsi çərçivəsində millimizlə qarşılaşacaq İsrail yığmasının çalışdırıcısı komandasına inandığını qeyd edib: "Uğur qazanacağımıza əminəm. Mənim kimi futbolçular da azarkeşləri sevindirəcəklərinə inanırlar. İndi bizi qarşıda Azərbaycanla oyun gözləyir. Əgər, Azərbaycan üzərində qələbə qazansaq, o zaman Rusiyaya yüksək əhval-ruhiyyədə yollanacağıq. Əsas odur ki, taktikamızı dəyişmək məcburiyyətində qalmadıq. Əvvəl 4-4-2 oynayırdıqsa, indi 4-3-3-lə meydana çıxacağıq. Bu halda komanda hücumda daha təhlükəli olur".