“Bilsəm qələbə qazanacağıq, “Qarabağ”la oyuna lüt də çıxaram”

Çempionlar Liqasının 1-ci təsnifat mərhələsində Lüksemburqun "Fola Eş" klubunu 2:0 hesabı ilə məğlub etdikdən sonra Moldova "Şerif"nin baş məşqçisi Zoran Zekiçin müsahibəsi zamanı maraqlı dialoq yaşanıb.

Futbolxeber.az saytının məlumatına görə, moldovalı jurnalist xorvat mütəxəssisə “yəqin ki, yenidən bu köynəkdə qələbə qazandığınız üçün məmnunsunuz” sualını ünvanlayıb. Sualı gülüşlə qarşılayan Zekiç deyib: “Xeyr, düşünürəm ki, ilk dəfədir bu köynəklə meydana çıxırdım. Əgər məsələ köynəklə bağlıdırsa, bilsəm ki, komandam daha yaxşı oynayacaq və qələbə qazanacaq, hər oyuna lüt də çıxaram”.

Xatırladaq ki, “Şerif” Çempionlar Liqasının ikinci təsnifat mərhələsi çərçivəsində avqustun 26-da Tofiq Bəhramov adına Respublika stadionunda “Qarabağ”ın qonağı olacaq.