“Yuventus” kubokun ilk finalçısı oldu

İtaliyada futbolsuz günlər başa çatıb.

Futbolxeber.az saytının məlumatına görə, ölkə kubokunda yarımfinal mərhələsinin cavab görüşləri start götürüb.

İlk oyun günündə 1 görüş keçirilib. “Yuventus” öz meydanında əzəli rəqibi “Milan”ı qəbul edib. Matçın əvvəlində penaltini qaçıran “Qoca Sinyora” rəqibin azlıqda qalmasından sonra rahat nəfəs alıb. 17-ci dəqiqədən meydanda say üstünlüyü qazanmasına baxmayaraq, “Yuventus” rəqib qapısına yol tapa bilməyib. Lakin ilk oyunda 1:1 hesablı bərabərlik qeydə alındığından, “Yuventus” qolsuz heç-heçə sayəsində finala adlayıb.

Qeyd edək ki, sabah keçiriləcək “Napoli” - “İnter” görüşü ilə ikinci finalçının da adı məlum olacaq. Bu komandalar arasında keçirilən ilk matçda “Napoli” səfərdə 1:0 hesablı qələbə qazanıb.

İtaliya kuboku

Yarımfinal, cavab oyunu

12 iyun

“Yuventus” - “Milan” 0:0

Qırmızı vərəqə: Rebiç 17 (“Milan”)

Qaçırılan penalti: Ronaldo 16 (“Yuventus”)

İlk oyun - 1:1