"Azərbaycanda oynamağı təklif etdilər, bir ildən sonra "Ştutqart"da debüt etdim"

Almaniyanın  ikinci bundesliqa təmsilçisi “Sankt Pauli”nin futbolçusu Boris Taşinin  Azərbaycanda oynamaq variantı olub.

Futbolxeber.az saytının məlumatına görə, ukraynalı hücumçu ölkəsinin "Bombardir" verilişinə açıqlamasında deyib. 2013-cü ildə "Çernomorets"də oynayan 26 yaşlı oyunçu həmin vaxt ölkəmizdəki klublardan birindən təklif aldığını bildirib:

“Odessada tətildə idim. Klubumdan mənə zəng vurub, təlim-məşq toplanışına aparılmayacağını dedilər. Mənə bildirdilər ki, sənin üçün bir variant var - Azərbaycanda icarədə oynamaq. Buna inana bilmədim. 19-20 yaşım var, baş məşqçi deyir ki, sən komanda ilə getmirsən. Bir ildən sonra isə “Ştutqart”ın heyətində Dortmund “Borussiya”sına qarşı matçda debüt etdim”.