Qriqorçuk vətənində işləmək istəyir

"Qəbələ”nin sabiq baş məşqçisi Roman Qrirqorçuk yenidən ölkəsi Ukraynada işləməyə hazır olduğunu açıqlayıb.

Futbolxeber.az saytının məlumatına görə, 55 yaşlı mütəxəssis “Futbol 1” kanalına müsahibəsində bu haqda danışıb.

Bu ilin qışında “Astana” ilə müqaviləni ləğv edən Qriqorçuk hazırda işsizdir. O, “Ukraynada yenidən çalışmaq istərdizmi” sualına cavab olaraq deyib: “Mənim bununla bağlı böyük arzum var. İşləməyə hazıram və səbirsizliklə öz şansımı gözləyəcəyəm”.

Qeyd edək ki, Qriqorçukun adı Kiyev “Dinamo”su ilə də hallanır. O, bir müddət əvvəl “Dinamo”, hətta Ukrayna millisində işləməyə etiraz etmədiyini söyləyib.