Kaka: “Messi sırf istedad, Ronaldo isə maşındı”

"Milan”ın və “Real”ın sabiq yarımmüdafiəçisi Kaka Lionel Messi ilə Kriştianu Ronaldo arasında müqayisə aparıb.

Futbolxeber.az saytının xarici KİV-lərə istinadən verdiyi məlumata görə, braziliyalı futbolçu üstünlüyü Messiyə verib:

“Mən Kriştianu ilə birgə oynamışam, o, inanılmaz futbolçudu. Lakin mən Messini seçərdim. Lionel dahi, sırf istedaddı. O, inanılmaz oynayır.

Kriştianu maşındı. Söhbət təkcə onun gücündən, möhkəmliyindən, sürətindən getmir. O, çox güclüdür. Hər zaman qələbə qazanmaq və ən yaxşı olmağa can atır.  

Həm Messi, həm də Ronaldo idman tarixinin ən yaxşı 5 idmançısı arasındadır. Onların hər ikisinin oyunlarını gördüyümüz üçün bəxtimiz gətirib”.