İtaliyalı həkim koronavirus haqda: “Atalanta” - “Valensiya” oyunu bioloji bomba idi”

Papa XII Covanni adına Berqamodakı xəstəxananın pulmonologiya (nəfəs yollarının müalicəsi) şöbəsinin rəhbəri Fabiano Di Marko İtaliyada koronavirusun geniş yayılmasının səbəbi haqda danışıb.

Futbolxeber.az saytının İtaliya mətbuatına istinadən verdiyi məlumata görə, təcrübəli həkim pandemiyanın yayılmasına əsas səbəb kimi Çempionlar Liqasının 1/8 final mərhələsinin ilk oyunu çərçivəsində keçirilən “Atalanta” - “Valensiya” (4:1) qarşılaşmasını göstərib:  

“Fevralın 19-da Berqamonun 40 min əhalisi “San Siro”ya, “Atalanta” - “Valensiya” oyununa yollandı. Onlar Milana avtobus, maşın və qatarlarla yollandılar. Təəssüf ki, bu oyun bioloji bomba idi”.  

Qeyd edək ki, hazırda İtaliyada təxminən 60 min insan koronavirusa yoluxub və onlardan 5 mini dünyasını dəyişib. Pandemiyadan əziyyət çəkənlərin yarısı məhz Lombardiyada qeydə alınıb.