Avropanın ən yaxşısı: Messi, Riberi, ya da Ronaldo

UEFA-nın versiyasına əsasən Avropanın ən yaxşı futbolçusu adına namizəd olan 3 futbolçu müəyyənləşib. Futbolxeber.az-ın məlumatına görə, qalib adı uğrunda Lionel Messi, Frank Riberi və Kriştianu Ronaldo mübarizə aparacaqlar.  Jurnalistlərin səsverməsində məhz adıçəkilən 3 futbolçu daha çox səs toplayıblar. Qalibin adı avqustun 29-da, Monakoda keçiriləcək Çempionlar Liqasının qrup mərhələsinin püşkatması zamanı açıqlanacaq.

Qeyd edək ki, səsvermə zamanı ilk "üçlüy"ə düşə bilməyən futbolçuların sıralaması aşağıdakı kimi olub:

4. Robert Levandovski (Borussiya) - 80 səs

5. Aryen Robben (Bavariya)- 55

6. Тomas Müller (Bavariya)- 51

7. Qaret Beyl (Tottenhem)- 48

8. Bastiyan Şvaynştayger (Bavariya) - 34

9. Zlatan İbrahimoviç (PSJ) - 27

10. Robin van Persi (Mançester Yunayted) - 24