İngiltərə millisinin keçmiş futbolçusu karyerasını başa vurdu

İngiltərə millisinin və "Nyukasl"ın üzvü Kiron Dayer karyerasını başa vurub. Futbolxeber.az-ın məlumatına görə, bu haqda təcrübəli futbolçunun özü məlumat verib: "Daha bütün vaxtımı səfərlərdə keçirmək istəmirəm. Futbolçu karyeramı bitirirəm və qərarımda əminəm. Bundan sonra vaxtımı uşaqlarımla birgə keçirmək istəyirəm. "Nyukasl"ı tərk etdikdən sonra bütün ölkəni gəzdim ki, bu zaman da uşaqlarım diqqətdən kənarda qaldılar. İndi isə onlara vaxt ayırmaq zamanıdır. Gələcəkdə məşqçi olmağı və Qvardiolaya oxşamağı arzulayıram".