"Yuventus"un baş məşqçisi yeni mövsümdən danışdı

"Yuventus"un baş məşqçisi Antonio Konte İtaliya "A" seriyasının yeni mövsümü haqda danışıb. Futbolxeber.az-ın məlumatına görə, təcrübəli mütəxəssis cari mövsümün gərgin keçəcəyini bildirib: "Klubların mövqeləri dəyişikliyə uğrayır, rəqiblərimiz isə daha da güclənirlər. Mənə elər gəlir ki, qarşıdakı mövsümdə "A" seriyası çox gərgin alınacaq. "Milan" və "İnter" ənənəvi olaraq, çempionluq uğrunda mübarizə aparacaqlar. Eləcə də "Napoli" xeyli güclənib. Üstəlik, komanda əla məşqçiyə tapşırılıb. "Fiorentina"nı da unutmaq olmaz. Onların xüsusən də hücum xətləri çox güclüdür. Cuzeppe Rossi və Mario Qomes cütlüyünü hər kəs sərəncamında görmək istər. Eləcə də transfer bazarında fəallıq nümayiş etdirən Roma klublarını da unutmaq olmaz".