“Bursaspor" Dəniz Yılmazın maaşını ödədi

"Bursaspor” millimizin futbolçusu Dəniz Yılmazın maaşını ödəyib.

Futbolxeber.az saytının qol.az-a istinadən verdiyi məlumata görə, bu barədə klubun prezidenti Ali Ay deyib.

O, 3 futbolçudan ikisinin borcunun ödənildiyini vurğulayıb: “UEFA lisenziyasını ala bilməməyimizin bütün məsuliyyəti mənimdir. Dəniz Yılmaz və Tomaş Netsidlə bağlı öhdəlikləri yerinə yetirdik. Yalnız Bakaye Traorenin 300 min avrosu qalıb. Bu il avrokuboklara getməyəcəyimiz üçün o pulu ödəmədim. Onsuz da, o qədər pulumuz da yoxdur".

Qeyd edək ki, Dəniz Yılmaz bir müddət əvvəl klubu FİFA-ya şikayət etməklə hədələdiyi üçün əsas komandadan uzaqlaşdırılıb.

Əlavə edək ki, "Bursaspor" sözügedən oyunçuların maaşını ödəmədiyi üçün avrokuboklarda işyirak üçün lisenziya ala bilməyib.