Ronaldo: “Hər iki oyunda “Atletiko”dan üstün idik”

“Real”ın hücumçusu Kriştanu Ronaldo Çempionlar Liqasının yarımfinalında “Atletiko”ya qarşı keçirilən oyunlardan danışıb.

Futbolxeber.az saytının məlumatına görə, portuqaliyalı futbolçu hər iki görüşdə “Atletiko”dan üstün olduqlarını bildirib:

“Yenidən Çempionlar Liqasında finala yüksəldiyimiz üçün çox sevinirəm. Oyunlar çətin keçsə də, biz hər 2 oyunda “Atletiko”dan üstün idik.  

“Atletiko”nun oyuna hücumlarla başlayacağını bilirdik. Rəqibin bəxti gətirdi ki, 16 dəqiqə ərzində 2 qol vurdu. Lakin sonradan sübut etdik ki, onlardan təcrübəliyik.

Hazırda özümü yaxşı hiss edirəm, formadayam. İndi artıq finala hazırlaşmalıyıq. Amma həlledici qarşılaşmaya qədər fikrimizi İspaniya çempionatına yönəltməliyik. Məqsədimiz “Qızıl dubl” etməkdir”.