Bukmeykerlərin favoriti "Qalataray"dı

Türkiyə Superliqasında yeni mövsümə avqustun 17-də start veriləcək. Futbolxeber.az-ın məlumatına görə, 2013/2014 mövsümünün başlanmasına hələ 1 aydan da artıq vaxt qalmasına baxmayaraq, dünyanın ən tanınmış bukmeyker kontorları artıq qarşıdakı mövsümdə Türkiyə Superliqasında hansı komandanın çempion olacağı ilə bağlı mərclərin qəbuluna başlayıblar. Gözlənildiyi kimi, qarşıdakı mövsümün də əsas favoriti son iki ildə rəqib tanımayan "Qalatasaray"dı. "Cim-Bom"un çempionluğunun əmsalı 1.91-dir. İkinci pillədə qərarlaşan "Fənərbaxça"nın qızıl medallara yiyələnmə ehtimalı 3.20 kimi dəyərləndirilir. "Beşiktaş"ın çempionluq əmsalı 10.00-a, "Trabzonspor"un zəfəri isə 26.00-ya bərabərdi. Bukmeykelər ən az şansı isə "Akhisar Belediyespor"a verirlər. Bu komandanın çempionluq əmsalı 1001-ə bərabərdi.

Bukmeykerlərin Superliqanın çempionluğu ilə əmsalları aşağıdakı kimidir:

"Qalatasaray" 1.91, "Fənərbaxça" 3.20, "Beşiktaş" 10.00, "Trabzonspor" 26.00, "Bursaspor" 51.00, "Eskişehirspor" 81.00, "Kayserispor" 81.00, "Kasımpaşa" 101.00, "Gənclərbirliyi" 126.00, "Antalyaspor" 151.00, "Sivasspor" 151.00, "Qaziantepspor" 201.00, "Çaykur Rizəspor" 251.00, "Kayseri Erciyesspor" 251.00, "Kardemir Karabükspor" 301.00, "Torku Konyaspor" 401.00, "Elazığspor" 751.00, "Akhisar Belediyespor" 1001.00.