Unay Emeri "Barselona faciəsi"ni şərh etdi

Ötən gün UEFA Çempionlar Liqasında 1/8 final mərhələsinin cavab oyunları keçirilib. Futbolxeber.az-ın məlumatına görə, Fransa təmsilçisi PSJ evdə böyükhesablı (4:0) qələbə qazanmasına baxmayaraq, səfərdə “Barselona”ya 1:6 hesabı ilə uduzuaraq, turnirdə mübarizəni dayandırıb.

 

Matçdan sonra Paris klubunun baş məşqçisi Unay Emeri məğlubiyyəti belə şərh edib: “Növbəti mərhələyə adlamaq üçün inanılmaz şansı əldə verdik. Rəqibə təzyiq etmədik. Ümumiyyətlə, oyunboyu topla çox pis davrandıq. Öz qapımızın önündən çəkilmirdik. “Barselona” da saysız-hesabsız qol şansları yaxalayırdı. Vurduğumuz qoldan sonra bir az arxayınlaşdıq. Hətta hesabı bərabərləşdirə də bilərdik. Ən azı 2-ci qol vurmaq şansımız oldu. Son dəqiqələrdə oyuna nəzarəti tamamilə itirmişdik. “Barselona” geridönüşlərə layiq komandadır və bunu bacarır”.

 

Fransalı mütəxəssis oyundakı hakimlikdən narazı qaldığını da gizlətməyib: “Hakimlər bütün mübahisəli epizodlarda rəqibin leyhinə qərar verdilər. Qapımıza elə penaltilər təyin olundu ki... Hakimlər oyunun sonuna yaxın nəzarəti tamamilə əldən verdilər. Referi tərəfindən cəzalandırıldıq”.