"İspaniyaya qarşı Balotellinin əvəzinə Cilardinyo oynayacaq"

İtaliya millisinin baş məşqçisi Çezare Prandelli bu gün Konfederasiyalar Kubokunun 1/2 final mərhələsi çərçivəsində İspaniyaya qarşı baş tutacaq matç haqda danışıb. Futbolxeber.az-ın məlumatına görə, təcrübəli mütəxəssis hücumda zədələnən Mario Balotellinin əvəzinə kimə şans verəcəyini də açıqlayıb: "Balotellinin əvəzinə hücumda Cilardinyo oynayacaq. O çox etibarlı futbolçudur. Alberto daim komanda üçün oynayır. Eləcə də mühüm anda qol vurmağı bacarır. Onunla münasibətimiz yaxşıdır. Cilardinyo sərəncamımda olan ən yaxşı hücumçulardan biridir. Təbii ki, Balotellini itirdiyimiz üçün təəssüflənirəm. Bilirəm ki, o bu gün meydana çıxmağı çox istəyirdi".