Balotelli: “Millidən kənarda qalmağım düzgün qərardı”

“Nitsa” Mario Balotellini rəsmən ictimaiyyətə təqdim edib. Futbolxeber.az saytının məlumatına görə, italiyalı forvard təqdimetmə mərasimində fikirlərini açıqlayıb: “Nitsa” mənə uyğun klubdur. İnanıram ki, bu il işlərim qaydasında olacaq. Yeni klubumda özümü yaxşı hiss edirəm. Yaxşı kollektivimiz var”.

Mario Balotelli İtaliya millisindən kənarda qalmasından da danışıb: “İtaliya millisinin çıxışı ilə maraqlanıram. Hazırda yığmadan kənarda qalmağım düzgün qərardı. İndi fikrimi yalnız “Nitsa”ya yönəltmişəm. Liqa 1 həm fiziki, həm də taktiki cəhətdən yaxşı çempionatdır. Fikrimi yalnız futbola yönəltmişəm. Psixoloji cəhətdən hər şey qaydasındadır”.