Abışov Avroliqada oynayacaq

Rusiyanın "Rubin" klubu növbəti mövsümdə Rusiya çempionatı və Avroliqada iştirak etmək üçün lisenziya alıb. Futbolxeber.az-ın məlumatına görə, bu haqda Rusiya Futbol İttifaqının rəsmisi Yevgeni Letin məlumat verib. O bildirib ki, bu gün keçirilən toplantıda "Rubin" növbəti mövsüm həm daxili çempionatda, həm də Avroliqada iştirak üçün tələb olunan sənədləri təqdim edib. Belə olan halda, komandanın qitə kuboklarından kənarda qalması qeyri-mümkündür.

Qeyd edək ki, "Rubin"in sənədlərində problem ortaya çıxmışdı. Bu səbəbdən də komandanın Rusiya çempionatı və Avroliqada iştirakı üçün problem ortaya çıxmışdı. Kazan klubunu Avroliqada "Dinamo" klubunun əvəzləyəcəyi bildirilirdi.