Pirlo: "Bu haqda ancaq xəyal edə bilərdim"

Dünən Meksikaya qarşı baş tutan görüşdə (2:1) millidə 100-cü oyununu keçirən Andrea Pirlo yubiley matçının şərh edib. Futbolxeber.az-ın məlumatına görə, Pirlo Konfederasiyalar Kubokunu qazanmaq istədiklərini bildirib: "Bu mənim üçün ilk növbədə böyük sevincdir. Bu cür nəticəyə heç də hər futbolçu imza ata bilməz. Millidə 100-cü oyununu keçirmək əladır, üstəlik yubiley oyununda qol vurmaq və ən əsası bunun "Marakana" kimi möhtəşəm arenada baş tutması çox sevindiricidir. Uşaq vaxtı bu barədə yalnız xəyal edə bilərdim. Amma mən qazandıqlarımla kifayətlənmək fikrində deyiləm. Hələ də karyeramı başa vurmaq haqda düşünmürəm. Hələ qazanmaq istədiyim mükafatlar var. Onlardan da ilki indiki məqamda Konfederasiyalar Kubokudur".