Kristian Baroni: "Fənərbaxça"dan gedə bilərəm"

Braziliyalı futbolçu Kristan Baroni "Fənərbaxça"nı tərk edə bilər. Futbolxeber.az-ın məlumatına görə, bu haqda Kristianın özü açıqlama verib. Braziliya mətbuatına müsahibəsində Kristian "Fənər"i tərk edəcəyi halda, vətənə dönəcəyini bildirib: "Klubun prezidenti Əziz Yıldırımla görüşmüşəm. Mən komandada qalmaq istəyirəm. Amma legioner limitinə görə klubu tərk etməyim mümkündür. Əziz Yıldırıma da bildirdim ki, klubun mənafeyi naminə satılmağa hazıram. Əgər, "Fənərbaxça"dan ayrılmalı olsam, daha Avropada forma geyməyəcəm. Karyeramı elə vətənimdə davam etdirəcəyəm".

Baroni "Fənərbaxça"nın son mövsümdəki çıxışına da toxunub: "Cari mövsüm uğurlu çıxış etdiyimizi söyləmək mümkündür. Çünki çempionatda gümüş medalları, eləcə də ölkə kubokunu qazandıq. Həmçinin Avroliqada uzun məsafə qət etdik".