Venger: “O, Premyer Liqada ilin oyunçusu olmağa layiqdir”

“Arsenal”ın baş məşqçisi Arsen Venger maraqlı açıqlaması ilə diqqət çəkib. Futbolxeber.az saytının məlumatına görə, fransız mütəxəssis komandasımın üzvü Məsut Özilin Premyer Liqada mövsümün oyunçusu adına layiq olduğunu vurğulayıb: “Özil mövsüm ərzində çox effektiv təsir bağışlayır. O, hər oyunda qol epizodu yaradır və mütəmadi olaraq fərqlənir. Bu mövsüm Premyer Liqada 6 qol vurub, 18 məhsuldar ötürmə verib. Düşünürəm ki, mövsümün sonunda o, 10 qol həddinə çatacaq. Bütün bu göstəriciləri nəzərə alsaq, Özil mövsümün oyunçusu adına layiqdir”.

Qeyd edək ki, mövsümün oyunçusu adına digər namizədlər Riyad Marez, Ceymi Vardi, Nqola Kante (hamısı “Lester”), Harri Keyn (“Tottenhem”) və Dimitri Payedir (“Vest Hem”). Qalibin adı aprelin 24-də açıqlanacaq.