"Qalatasaray"a qol vuran futbolçu "Qalatasaray"da

"Qalatasaray" növbəti transferini reallaşdırıb. Futbolxeber.az-ın məlumatına görə, Türkiyə çempionu 29 yaşlı hücumameylli yarımmüdafiəçi Erman Kılıçı heyətinə qatıb. Kılıç "Qalatasaray"a azad agent statusu ilə keçib. Çünki təcrübəli futbolçunun son klubu "Sivasspor"la sözləşməsi mövsümün sonunda bitib. Kılıç "Cim-Bom"la "2+1" illik sözləşmə imzalayıb. Son mövsümdə təcrübəli yarımmüdafiəçi 34 çempionat oyunundan yalnız birində iştirak etməyib. "Sivasspor"un heyətində 5 qol vuran Kılıç 12 dəfə də məhsauldar ötürmə ilə yadda qalıb. Maraqlıdır ki, Erman Kılıç spn mövsümdə qollarından birini yeni klubunun - "Qalatasaray"ın qapısından keçirib. Kılıç keçidini belə şərh edib: "Fatih Terim məni öz komandasında gprmək istəyirdi. Keçidimin əsas səbəbkarı da məhz odur. Buna görə də Fatih hocaya təşəkkür edirəm. Çox sevinirəm ki, "Qalatasaray" kimi böyük bir kluba gəldim. Burada uğur qazanmaq üçün əlimdən gələni edəcəyəm. Uğurlu çıxış etməyə məcburam. Çünki mənə güvənən, ümid bəsləyəmn insanlar var. Onların etimadığını doğrultmalıyam. Ümid edirəm ki, "Qalatasaray"ın qazanacağı uğurlarda mənim də payım olacaq".