Benites: “Hələ 2-3 il mənə istefamla bağlı sual verəcəksiz”

“Real”ın baş məşqçisi Rafael Benites bu gün “Valensiya”ya qarşı keçirəcəkləri oyun haqda danışıb. Futbolxeber.az-ın məlumatına görə, ispan mütəxəss oyunöncəsi mətbuat konfransında mümkün istefası haqda da sualı cavablandırıb: “Daha əvvəl də demişəm, komandanın çıxışını mövsümün sonunda dəyərləndirməliyik. Çempionatın sonunda formalaşacaq turnir cədvəli işimizin nəticəsini göstərəcək. Hazırda bizim səbrə, sakitliyə və sülhə ehtiyacımız var ki, qarşımıza qoyduğumuz məqsədlərə çataq. Məqsədimiz odur ki, futbolçular hər oyunda bütün güclərini meydanda qoysunlar. Yorğunluqla bağlı hər hansı bir problemimiz yoxdu. Belə olsaydı, “Vilyareal”a qarşı ikinci hissədə yaxşı oynaya bilməzdik.  “Valensiya” ilə oyun mənim üçün emosional olacaq. “Real” ötən il bu komandanı məğlub edə bilməyib. Mənə verdikləri üçün daim “Valensiya”ya minnətdar olacağam. Bu oyunda qalib gəlməsək, komandadakı fəaliyyətimi davam etdirəcəm? Qələbəmizə əminəm. Amma siz hələ 2-3 il də mənə istefamla bağlı sual verəcəksiz”.