Van Qal: “Mançester Yunayted” son klubum ola bilər”

“Mançester Yunayted”in baş məşqçisi Lui Van Qal gələcək karyerası haqda danışıb. Futbolxeber.az-ın məlumatına görə, holland mütəxəssis qeyd edib ki, “Mançester Yunayted” onun son iş yeri ola bilər: “Hər zaman öz işimi görürəm. Ştabımın bəzi üzvləri gələrək, “boss, mən sizə daha necə kömək edə bilərəm” deyə soruşurlar. Mənim isə cavabım hər zaman eyni olur: “Sən mənə kömək edirsən. Üzərivə düşəni hər zaman daha yaxşı etməyə çalış”. Eyni addımı futbolçularımdan da gözləyirəm. “Mançester Yunayted” karyeramdakı ilk klub deyil. Amma sonuncu ola bilər. Hər zaman uğursuz günlərim də olub. Bununla belə, qarşıma qoyduğum məqsəddən geri dönməmişəm”.