İbrahimoviç: “A” seriyası hələ də dünyanın ən güclü çempionatıdı”

PSJ-nın hücumçusu Zlatan İbrahimoviç İtaliya “A” seriyası haqda danışıb. Futbolxeber.az-ın məlumatına görə, isveçli forvard “A” seriyasını dünyanın ən güclü çempionatı adlandırıb: “Mən “A” seriyasında, “Yuventus”da məşhur oldum. “Ayaks”da oynayanda mən ulduz deyildim. Hamı məni Turindəki çıxışından sonra tanıdı. 3 fərqli komanda - “Milan”, “Inter” və “Yuventus”la birgə “A” seriyasının qalibi oldum. Həmçinin çempionatın bombardiri və ən yaxşı oyunçusu seçildim. Mənə görə “A” seriyası hələ də dünyanın ən güclü çempionatıdı. Burada oynamaq ilk növbədə hücumçular üçün çətindi. Çünki əksər komandalar daha çox müdafiəni düşünür”.