Pelleqrini: "Mançester Siti" ilə müqavilə imzalamamışam"

"Malaqa"nın baş məşqçisi Manuel Pelleqrini "Mançester Siti" ilə müqavilə imzaladığı haqda yayılan xəbərləri şərh edib. Futbolxeber.az-ın məlumatına görə, çilili mütəxəssis deyilənləri təkzib edib: "Nəinki "Mançester Siti" ilə, ümumiyyətlə heç bir klubla müqavilə imzalamamışam. Mənimlə bir çox klublar maraqlanır. Bu faktla qürur duyuram. Lakin "Malaqa" ilə razılığımız var və rəhbərliyə bildirmişəm ki, mövsüm başa çatmamış heç kimlə danışıqlar aparmayacağam. Həm mən, həm də futbolçular əllərindən gələni edir ki, "Malaqa" Avroliqaya vəsiqə əldə etsin. Çempionlar Liqasındakı uğursuzluqdan sonra bu bir qədər çətindir. Lakin əlimizdən gələni edəcəyik ki, istəyimizə çataq".