“Yuventus” braziliyalı qapıçı ilə razılığa gəldi

“Yuventus” “Fiorentina”nın qapıçısı Neto ilə razılığa gəlib. Futbolxeber.az-ın məlumatına görə, 25 yaşlı braziliyalı qolkiperin Florensiya klubu ilə müqaviləsi 2015-ci ilin yayında başa çatır. Bu səbəbdən də o, digər komandalarla danışıqlar apara bilər. Neto ilə “Yuventus” arasında aparılan danışıqlar isə artıq müsbət yekunlaşıb. Yayda o, Turin klubuna azad agent kimi qoşulacaq. Netonun Turinə qış fasiləsi zamanı gəlişi real görünmür.

Qeyd edək ki, cari mövsümdə “A” seriyasında 16 oyuna çıxan braziliyalı qapıçı, bu matçların 6-a qapısını toxunulmaz saxlayıb.