Torres: “Məqsədim “A” seriyasının bombardiri olmaqdı”

Fernando Torres “Milan”dakı məqsədləri haqda danışıb. Futbolxeber.az-ın məlumatına görə, ispan forvard “A” seriyasının bombardiri olmaq istədiyini bildirib: “Bəzi oyunlarda qol vura bilməyib, xal itirmişik. Halbuki həmin matçlarda ən azı 5 qol epizodu yaratmışıq. Cari mövsümdə nadir oyunlarda rəqibdən az qol epizodu yaratmışıq. Məqsədim “A” seriyasının bombardiri olmaqdı. “Milan” məni heyətinə qatıb ki, qol vurum. Bu, mənim işimdir. Əgər rəqib qapısına yol tapa bilməsəm, heyətdəki yerimi itirəcəyəm. Bombardir olmaq istəsəm də, müəyyən epizodlarda xəsislik etmirəm. Görsəm ki, komanda yoldaşım daha əlverişli epizoddadır, mütləq ona ötürmə verərəm. Komandamın uğuru üçün kimin fərqlənməsi önəm daşımır”.

Qeyd edək ki, cari mövsümdə Torres “A” seriyasında cəmi 1 qol vurub.