Millimizin baş məşqçi postuna namizəd olan Mançini: “Yeni iş yerim...”

“Qalatasaray”ın sabiq baş məşqçisi Roberto Mançini gələcək fəaliyyəti haqda danışıb. Futbolxeber.az-ın məlumatına görə, italiyalı mütəxəssis tezliklə işsiz günlərinin sona çatacağını qeyd edib: “Növbəti mövsümdə məni yenidən iş başında görəcəksiniz. Amma yeni iş yerim bu il də müəyyənləşə bilər. “İnter”? Bu klubda çox gözəl vaxtlarım olub. Birgə çox şeyə nail olmuşuq. Gələcəkdə nə olacağını demək çətindir. Amma “İnter”in yaxşı baş məşqçisi var. Fikrimcə, Sinişa Mihayloviç də bu klubda çalışmağa qadirdi. O, xeyli təcrübə toplayıb”.

Xatırladaq ki, Roberto Mançini Berti Foqtsun gedişindən sonra boş qalan Azərbaycan milli komandasının baş məşqçi postuna da namizəddir. AFFA-nın danışıq apardığı mütəxəssislər arasında Mançinin də adı var.