“İnter”in prezidenti baş məşqçiyə mövsümün sonuna kimi şans verdi

Avroliqanın qrup mərhələsində “Qarabağ”ın rəqibi olan “İnter”in prezidenti Erik Tohir bu gün baş məşqçi Valter Madzarri ilə görüşüb. Futbolxeber.az-ın “Corriere dello Sport”a istinadən verdiyi məlumata görə, tərəflər 1 saat ərzində hazırki durumu müzakirə ediblər. Yekunda klub prezidenti Madzarriyə mövsümün sonuna kimi şans verdiyini bildirib. Bu isə o deməkdir ki, növbəti oyunlarda da uğursuzluq qeydə alınacağı halda Madzarri postunu tərk etməyəcək. Halbuki son zamanlar tezliklə “İnter”ə yeni baş məşqçinin gətiriləcəyi barədə xəbərlər yayımışdı.