Zidan: “Real” heç vaxt Suarezlə maraqlanmayıb”

“Real Madrid Kastilya”nın baş məşqçisi Zinəddin Zidan “Barselona”nın hücumçusu Luis Suarez haqda danışıb. Futbolxeber.az-ın məlumatına görə, Zizu “Kral klubu”nun heç vaxt uruqvaylı forvardı transfer etmək istəmədiyini bildirib: “Şaiyələr daim böyük futbolçuları “Real”ı göndərir. Lakin ötən yay biz “Liverpul”a Suarezlə bağlı hər hansı bir müraciət etməmişik. Biz düşünmürdük ki, o, “Real”a lazımdı. “Real” hansısa futbolçunu transfer etmək istəyərkən, bu işlə çox ciddi şəkildə məşğul olur və əksər hallarda da istəyinə çatır. Lakin Suarez maraq dairəmizdə deyildi. Təbii ki, uruqvaylı yaxşı futbolçudur. Amma yenə deyirəm ki, biz heç vaxt onunla maraqlanmamışıq. Keçən yayda “Real” kimi istəyirdisə, həmin futbolçuları da heyətinə qatdı”.