“Barselona” 16 yaşlı ukraynalını heyətinə qatdı

“Barselona” növbəti transferini reallaşdırıb. Futbolxeber.az-ın məlumatına görə, Kataloniya klubu 16 yaşlı ukraynalı Vladimir Baqmetlə müqavilə imzalayıb. Kimsəsizlər evində böyüyən gənc futbolçu daha əvvəl “Şaxtyor”un düşərgəsində baxışda olaraq bəyənilsə də, İspaniyadan gələn təklifi dəyərləndirib. Bir müddət İspaniyanın aşağı liqalarında çıxış edən Beqmat, elə oradan da “Barsa”nın diqqətini cəlb edib.

Ukraynalı yeniyetmə əvvəlcə “Barselona”nın 19 yaşa kimi olan yaş qruplarında çıxış edəcək. Katalonlar ukraynalının milliləşdirilərək, İspaniya vətəndaşlığını qəbul etməsini də istəyirlər.