Oleq Şatov: “Azərbaycan millisi yoxlama oyunu üçün normal rəqibdi”

“Komandada hər kəsin əhval-ruhiyyəsi normaldı. Dünya çempionatındakı çıxışı unutmaq lazımdı. Keçmişə baxan, gələcəysiz qala bilər. Odur ki, ancaq irəli baxmalıyıq”. Futbolxeber.az-ın məlumatına görə, bu sözləri Rusiya millisinin yarımmüdafiəçisi Oleq Şatov deyib.

Sentyabrın 3-də Moskvada yoxlama oyunu çərçivəsində millimizi qəbul edəcək Rusiya yığmasının aparıcı üzvlərindən olan “Zenit”li yarımmüdafiəçi “Sport-Ekspress”ə müsahibə verib.

Şatov müsahibə zamanı “Sizcə, Azərbaycan millisi yoxlama oyunu üçün normal rəqibdirmi” sualını belə cavablandırıb: “Əlbəttə. DÇ-2014-ün seçmə mərhələsi çərçivəsində baş tutan 2 oyun bunu göstərdi”.

Xatırladaq ki, Moskvada rəqibinə 0:1 hesabı ilə uduzan millimiz, Bakıda ruslardan xal almağı bacarmışdı - 1:1.