“Bursaspor” “Milan”ın futbolçusunu transfer etdi

“Bursaspor” klubu növbəti transferini reallaşdırıb. Futbolxeber.az-ın məlumatına görə, Bursa təmsilçisi Bakay Traoreni heyətinə qatıb. Mali millisinin üzvü 3 illik müqaviləyə imza atıb.

Qeyd edək ki, 29 yaşlı futbolçu 2012-ci ildə “Nansi”dən “Milan”a transfer olunub. Lakin “qırmızı-qaralar”ın heyətində möhkəmlənə bilməyən futbolçu, cəmi 8 oyunda çıxıb. Ötən mövsüm isə Traore icarə əsasında “Kayseri Erciyesspor”da forma geyib.