Podolski: “Braziliyaya çempionluq üçün gedirik”

Almaniya millisinin hücumçusu Lukas Podolski bu gün start götürəcək XX dünya çempionatı haqda danışıb. Futbolxeber.az-ın məlumatına görə, Podolski Braziliyaya dünya kubokunu qazanmaq üçün yollandıqlarını bildirib: “DÇ-2006-da təcrübəmiz çatmadı. Digər tərəfdən də heç kim Almaniyada keçirilən yarışda bu qədər irəli qədər gedəcəyimizi gözləmirdi. Həmin vaxt bürünc medallara sahib çıxdıq ki, bu nəticə də bizim doğru yolda olduğumuzun göstəricisidir. İndi isə növbəti addımı atmaq zamanıdır. Braziliyaya da ancaq çempionluq üçün gedirik. Bilirəm ki, bu, heç də asan olmayacaq. Yer aldığımız qrup da güclüdür. Bununla belə, məqsədimiz yalnız çempionluqdur”.