Türkiyə millisində qalmaqal

Türkiyə milli komandasının düşərgəsində insident yaşanıb. Futbolxeber.az-ın “sporx.com”a istinadən verdiyi məlumata görə, dünən Somanı ziyarət etdikdən sonra yenidən Etilerdəki otelə qayıdan Türkiyə millisinin baş məşqçisi Fatih Terim, əvvəlcə komandanın qaldığl oteldə “İlin Futbol Oskarları” mükafatlarının təqdimedilməsi mərasiminə qarşı çıxıb. Özündən çıxan Terim, “Milli komandanın məskunlaşdığı oteldə belə mərasim keçirilərmi” deyib.  Bununla əsəbləşməyən “İmperator” tədbirə qatılmaqdan imtina edib. Amma baş məşqçidən fərqli olaraq, komandanın üzvü Burak Yılmazın mərasimə qatılması Terimin xoşuna getməyib. Bu səbəbdən də tərəflər arasında insident yaşanıb.

Bu gün Burak Yılmaz “zədəliyəm” bəhanəsi ilə yığmanın düşərgəsini tərk edib. Fatih Terim də onun əvəzinə Mustafa Pektemekə dəvət göndərib.