“Barselona” 2015-ci ilə kimi transfer edə bilməz!

FİFA “Barselona”ya qarşı sanksiya tətbiq edib. Futbolxeber.az-ın məlumatına görə, Kataloniya klubu qarşıdakı 2 transfer pəncərəsi zamanı - 2015-ci ilin yayına kimi heç bir futbolçunu transfer edə bilməz.

Bu haqda FİFA-nın rəsmi saytı məlumat yayıb. Məlumatda qeyd olunur ki, “Barselona” 2009-2013-cü illər aralığında 18 yaşa kimi futbolçuların keçidində qayda pozuntuların yol verdiyinə görə cəzalanıb. Beynəlxalq futbol qurumu “Barselona”ya vəziyyəti düzəltmək üçün 3 ay vaxt verib.

Qaydalara riayət etməməsi “Barselona”nı maddi cəhətdən də geri salıb. Belə ki, katalonlar 450 min İsveçrə frankı həcmində cərimələnib. Klubla yanaşı, yerli federasiya da cəzalanıb. İspaniya Futbol Federasiyasının payına 500 min frank cərimə düşüb.