“Qarabağ” ən yaxın izləyicisinə məğlub oldu

Qadın həndbolçular arasında Azərbaycan çempionatında növbəti oyun keçirilib.

Futbolxeber.az saytının məlumatına görə, XIV turun görüşündə çempionluğa iddialılar - “Qarabağ”la “Azəryol” üz-üzə gəliblər.

“AHF Arena”da başabaş mübarizə şəraitində keçən qarşılaşmada lider “Qarabağ” meydanı məğlub tərk edib. 27:25 hesablı qələbə qazanan “Azəryol” çempionluq uğrunda mübarizəni daha da gərginləşdirib.

Qeyd edək ki, martın 17-də XII turdan təxirə salınmış oyunda “Kür” və “İdman Akademiyası” qarşılaşacaqlar.