Tokio-2020: İki güləşçimiz bürünc medal uğrunda yarışacaq

Bu gün Azərbaycan güləşçiləri Yay Olimpiya Oyunlarında mübarizəyə başlayıblar.

Futbolxeber.az saytının məlumatına görə, 77 kq çəkidə yarışan yunan-Roma güləşçisi Rafiq Hüseynov 1/8 finalda isveçli Aleks Kessidislə üz-üzə gəlib.

Qarşılaşma 1:1 hesabı ilə yekunlaşıb. Hüseynov sonuncu xal prinsipinə əsasən qalib gələrək 1/4 finala yüksəlib. O, bu raundda Akjol Mahmudovla (Qırğızıstan) görüşüb. Güləşçimiz 1:9 hesabı ilə uduzub.

Akjol Mahmudov (Qırğızıstan) yarımfinalda Ermənistan təmsilçisi Karapet Çalyana qalib gəlib. A.Mahmudovun finala yüksəlməsi sayəsində R.Hüseynov təsəlliverici görüşlərə qatılmaq hüququ qazanıb.

Qadın güləşçimiz Elis Manolova da Tokio-2020-də mübarizəyə başlayıb.

68 kq çəki dərəcəsində çıxış edən idmançı 1/8 final mərhələsində nigeriyalı Blessinq Oborududu ilə üz-üzə gəlib. Manolova rəqibinə 13:2 hesabı ilə uduzub.

Blessinq Oborududu finala yüksəldiyi üçün Manolova təsəlliverici görüşdə iştirak hüququ qazanıb.

Qeyd edək ki, güləşçilərimiz təsəlliverici görüşləri sabah keçirəcəklər.