“Cüdo ailəsinin bu çətin vəzifənin öhdəsindən gələcəyinə inanırıq”

“Cüdonun regionlarda inkişaf etdirilməsi üçün lazımi işlər görüləcək. Rio Yay Olimpiya Oyunlarına 9 ay vaxt az qalıb. Olimpiadaya maksimum sayda lisenziya qazanmaq istəyirik. Orada da uğur qazanmaq üçün əlimizdən gələni edəcəyik. İşimiz çətin olsa da, cüdo ailəsinin bu çətin vəzifənin öhdəsindən gələcəyinə inanırıq”. Futbolxeber.az-ın məlumatına görə, bu sözləri Cüdo Federasiyasının Mətbuat və İctimaiyyətlə Əlaqələr Departamentinin rəhbəri Elnur Əşrəfoğlu deyib.

Baş katib Elmar Babanlı isə millinin köhnə-yeni baş məşqçisi Peter Zayzenbaherlə müqaviləni yeniləyib-yeniləməyəcəklərinə Olimpiya Oyunlarından sonra qərar veriləcəyini qeyd edib: “Qarşıdan Rio Olimpiadası gəlir. Ondan sonra baş məşqçinin qazandığı nəticələrə əsasən gələcək fəaliyyəti barədə qərar qəbul ediləcək. Məqsədimiz Olimpiadaya 7 çəkidə lisenziya qazanmaqdır. Bunun üçün əlimizdən gələni edəcəyik”.

Vitse-prezident Elnur Məmmədli isə fikirlərinin belə ifadə edib: “Xaricdən millinin heyətinə mütəxəssislər cəlb olunacaq.

Hamımız əlimizdən gələni edəcəyik ki, uğur qazanaq. Hər birimizin məqsədi cüdonu inkişaf etdirməkdir”.