"Xəzər adaları" uduzdu

Futzal üzrə ölkə çempionatında turun mərkəzi oyunu - “Fənər” - “Xəzər adaları” qarşılaşması baş tutub. Futbolxeber.az-ın məlumatına görə, “Abu Arena”da keçirilən qarşılaşma dramatik alınıb. Belə ki, sona yaxın “Xəzər adaları” öndə olsa da, rəqib əzmkarlıq nümayiş etdirərək 1 dəqiqə ərzində 2 qol vurub. Beləcə, matç “Fənər”in 4:3 hesablı qələbəsi ilə tamamlanıb.

Qeyd edək ki, sona 4 tur qalmış lider “Xəzər adaları”nın aktivində 42 xal var. “Fənər” qələbə sayəsində əsas rəqibi ilə xal fərqini 5-ə endirib.