18 Noyabr 2026, Çərşənbə
U-20 millisi İraqla heç-heçə etdi
U-21 Omanı yenə məğlub etdi
U-17 millimiz qrupda sonuncu oldu
Millimiz Andorraya qalib gəldi

Futzal

Futzal millimizdə xaos: məşqçi inzibatçı maaşı alır

Ötən həftə saytımızda yayımlanan “AFFA, futbolu yarıtdınız, qaldı futzal?!” başlıqlı yazı geniş rezonans doğurub. Bunu nəzərə alaraq araşdırmamızı daha da genişləndirdik. Məlum oldu ki, problem təsəvvür etdiyimizdən də böyükdür.

Əsas problemlərdən biri maliyyə ilə bağlıdır. Belə ki, bu gun milli komandada yer alan oyunçulardan yalnız 2-3-nün klubla – “Neftçi” ilə müqaviləsi var. Qalanlarının hamısı klubsuzdur və son vaxtlar yeganə qazancları millinin təlim-məşq toplanışında aldıqları gündəlik 20-30 manat “sutuçnı” olub.

Vəziyyət o qədər biabırçıdır ki, milli komandada qapıçı məşqçisi olan şəxs inzibatçı statusundadır və elə inzibatçı maaşı da alır. Qapıçılardan biri isə həm də qapıçı məşqçisi kimi qeyd olunub və o statusa uyğun da məvacib alır. Təkcə elə bu məqam yığmada xaos olduğunu göstərir.

Milli komandamızın DÇ-2028-in seçmə mərhələsində fiaskoya uğramasının kökündə də məhz hazırda futzalda hökm sürən neqativ ab-hava dayanır. Belə ki, bəzi milli üzvləri haqsızlığa etiraz etdikləri üçün yığmaya dəvət almayıblar. Buna qədər kim güclü idisə, o da yığmaya çağırılırdı. İndi isə vəziyyət dəyişib. Hazırda milliyə dəvətdə şəxsi münasibətlər, tanışlıq, dostluq rol oynayır. Sözünü kəsəri olan, haqqını tələb edə biləcək oyunçular isə kənarda qalırlar. Belə komanda Latviyaya 1:5 uduzar da...

Adını gəncləşdirmə qoysalar da, məsələnin kökü məhz yazdığımız kimidir. Çünki bu gün İsa Atayev, Xətai Bağırov, Rövşən Hüseynli, Ramiz Çovdarov kimi təcrübəlilərin, Xəzər Ağalızadə, Fərid Abbasov, Mirzə Əmirov, Nurlan Mehdizadə kimi potensiallı oyunçuların millidən kənarda qalmasının başqa adı yoxdur.

Uğursuzluğa səbəb kimi təkcə heyətin zəifliyi yox, həm də baş məşqçinin səhvlərini göstərmək olar. Adicə bir nümunə: Çexiya ilə oyunda millimizin 0:2 hesabı geridə olduğu vaxt hücum etmək əvəzinə 5x4 oynayıb, 12 dəqiqə top saxlaması sadəcə fiasko idi...

Bütün bunlar isə hazırda futzala cavabdeh olan şəxslərin təcrübəsizliyindən irəli gəlir. Bir vaxtlar millidə administrativ işlərə baxan (formalar, biletlerin, otellərin təşkili) şəxs bu gün futzalda əsas söz sahibidirsə, hər hansı inkişafdan söhbət gedə bilməz.

Sadaladıqlarımız isə yekunda milli komandamızın DÇ-2028-in seçmə mərhələsində fiaskoya uğraması ilə nəticələndi. Hədəf qrup liderliyi idi. Normalda millimizin potensialı da buna imkan verirdi. Gəl ki, naşı adamların yığmada istədiklərini etməsi yekunda fiaskoya gətirib çıxardı. İtirən kim oldu? Təbii ki, Azərbaycan futzalı...

AFFA-nın yaratdığı futzal departamentinin ölkə çempionatını hansı səviyyədə keçirəcəyi də böyük sual altındadır. Adicə bir nümunə: bu gün noyabrın 18-dir. Çempionatın püşkü hələ bu gün atılır. Halbuki əvvəlki illərdə noyabrın ortasında ölkə çempionatında artıq bir neçə tur geridə qalırdı. Məsələn, ötən il çempionatın püşkü sentyabrın 8-də atılmış, yarışa isə 10 gün sonra start verilmişdi. Adicə bir püşkatmada 2 aydan çox gecikənlər görəsən, çempionatı heç olmasa başa vura biləcəklər?..

İBRAHİM








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Noyabr 2026
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30