“Araz-Naxçıvan” ÇL-nin B yolunda

İyulun 8-də, saat 14:00-da UEFA Çempionlar Liqasının ilkin və əsas mərhələsinin püşkü atılacaq. Futbolxeber.az saytının məlumatına görə, ölkəmizi təmsil edəcək “Araz-Naxçıvan” bu dəfə mübarizəyə əsas mərhələdən başlayacaq.

Ümumilikdə 52 assosiasiyanı təmsil edən 56 klub qalib adı uğrunda yarışacaq. Onlardan ən aşağı reytinqə sahib olan 32 komanda oyunlara ilkin mərhələdən start verəcək. Onlar hər birində 4 iştirakçı olmaqla 8 qrupa bölünəcəklər. Mini-turnir şəklində keçiriləcək mərhələ matçlarının yekununda ancaq qrup qalibləri əsas mərhələyə yüksələcək və B yolunda mübarizəni davam etdirəcək. İlkin mərhələnin oyunları avqustun 25-dən 30-dək keçiriləcək.

Son qalib “Sportinq” (Portuqaliya) daxil olmaqla 24 iştirakçı əsas mərhələdən Çempionlar Liqasına start verəcək. Reytinq cədvəlinin 21-ci pilləsində yer alan “Araz-Naxçıvan” B yolunda yarışacaq. Reqlamentə görə reytin cədvəlinin 12-15 və 20-23-cü pillələrində 8 komandaya ilkin mərhələdə qrup qalibi olacaq 8 klub da qoşulacaq. Buradan yalnız bir komanda – qrup qalibi 1/8 finala vəsiqə qazanacaq.

B yolunda qrup oyunlarına ev sahibliyi edəcək klublar məlumdur. Polşanın “Piast Qlivice”, Serbiyanın “Lozniça-Qrad 2018”, İtaliyanın “L84 Torino” və Lüksemburqun “Differdange 03” klubları bu istəklə UEFA-ya müraciət edib və müsbət cavab alıblar.

“Araz-Naxçıvan” 2-ci səbətdə yer alıb. Bu isə o deməkdir ki, təmsilçimiz “L84 Torino”, “Differdanje 03” və “Atletik Futsal” (Ukrayna) ilə rəqib ola bilməyəcək. Belədə komandamızın yer aldığı qrupun oyunları Polşa və ya Serbiyada təşkil olunacaq. Əsas mərhələnin oyunları oktyabrın 27-də noyabrın 1-dək keçiriləcək.

B yolu

6-cı səbət, Ev sahibi komandalar

“Piast Qlivice” (qrupunun 1-cisi)

“Lozniça-Qrad 2018” (qrupunun 1-cisi)

“L84 Torino” (qrupunun 2-cisi)

“Differdange 03”  (qrupunun 2-cisi)

7-ci səbət, qrupunun birincisi

“Kaunas Jalgiris” (Litva)

“Luxol St. Andreus Futsal” (Malta)

8-ci səbət, qrupunun ikincisi

“ARAZ-NAXÇIVAN” (AZƏRBAYCAN)

“Atletik Futsal” (Ukrayna)

9-cü səbət (qrupunun üçüncüsü və dördüncüsü)

İlkin mərhələ, A qrupunun qalibi 

İlkin mərhələ, B qrupunun qalibi

İlkin mərhələ, C qrupunun qalibi

İlkin mərhələ, D qrupunun qalibi

İlkin mərhələ, E qrupunun qalibi

İlkin mərhələ, F qrupunun qalibi

İlkin mərhələ, G qrupunun qalibi

İlkin mərhələ, H qrupunun qalibi

UEFA İcraiyyə Komitəsinin qərarına əsasən, Ermənistan - Azərbaycan, Kosovo - Bosniya və Herseqovina, Kosovo - Serbiya, Ukrayna - Belarus təmsilçiləri bir-biri ilə qarşılaşa bilməz.