23 May 2024, Cümə axşamı
Avroliqanı "Atalanta" qazandı
I Liqada çempion məlum oldu
II Liqanın bombardiri mükafatlandırıldı
II Liqada mövsümə yekun vuruldu

Futzal

ÇL: Yeni mövsüm üçün format və oyun cədvəli

UEFA Çempionlar Liqasının 2024-2025-ci il mövsümünün formatı və oyun günü cədvəli açıqlanıb.

Futbolxeber.az saytının məlumatına görə, “Dördlər final”ına gedən yol ilkin, əsas və elit raunddan keçəcək. Yenə milli komandaların reytinq cədvəlində “ilk 4-lükdə” qərarlaşan ölkələrin (Portuqaliya, İspaniya, Qazaxıstan və Xorvatiya) hər biri 2, digər federasiyalar 1 klubla (Rusiya ümumiyyətlə yarışda təmsil olunmayacaq) təmsil olunacaq.

Çempionlar Liqasının son qalibi “Palma” (İspaniya) və reytinq cədvəlinin 1-11 və 16-19-cu pillələrində yer alan klublar əsas mərhələnin A, digərləri isə B yolunda mübarizə aparacaqlar.

Oyun günləri və püşkatma tarixləri

İlkin və əsas mərhələnin püşkü: 4 iyul

İlkin mərhələnin oyun günləri: 20-25 avqust

Əsas mərhələnin oyun günləri: 22-27 oktyabr

Elit raundun püşkatması: 31 oktyabr

Elit raundun oyun günləri: 26 noyabr - 1 dekabr

Final mərhələsinin püşkü: Hələ müəyyənləşməyib

Final mərhələsinin oyun günləri: 1 və ya 2-3 və ya 4 may

Format

İlkin mərhələdə reytinq cədvəlinin aşağı pillələrində yer alan komandalar mübarizə aparacaq. İştirakçılar hər birində 4 klub olmaqla (saydan asılı olaraq 3 də ola bilər) qruplara bölünəcəklər. Püşkatma vaxtı oyunların keçiriləcəyi ölkə də müəyyənləşəcək. Buradan qrup qalibləri və saydan asılı olaraq bir və ya bir neçə ən yaxşı göstəriciyə malik ikinci pilləni tutan kollektiv əsas mərhələyə vəsiqə qazanacaq.

Əsas mərhələ (22-27 oktyabr)

A yolu

Qeyd etdiyimiz kimi, son çempion “Palma”, reytinq cədvəlində 1-11 və 16-19-cu yerlərdə qərarlaşan klublar (cəmi 16) bu yolda mübarizə aparacaq. Hər qrupda 4 komanda olacaq, onlardan 3-ü elit-raunda vəsiqə qazanacaq.

B yolu

Burada isə reytinq cədvəlində 12-15 və 20-ci sıra və sonrakı pillələrdə yer alan bir neçə komanda, eləcə də ilkin mərhələdən əsas mərhələyə yüksələcək kollektivlər yer alacaq. Ümumilikdə 16 komanda olacaq və onlar da hər birində 4 klub olmaqla 4 qrupa bölünəcəklər. Buradan isə ancaq qrup qalibləri elit-raunda yüksələcək.

Elit-raund (26 noyabr-1 dekabr)

Elit-raundda ümumilikdə 16 komanda iştirak edəcək. Oktyabrın 31-də qruplar müəyyənləşəcək. Yekunda 4 qrup qalibi “Dördlər finalı”nda oynamaq hüququ qazanacaq. Final mərhələsi isə mayda keçiriləcək. Əvvəlcə yarımfinal matçları baş tutacaq. Qaliblər finalda, məğlublar isə bürünc medal uğrunda yarışacaqlar.

Qeyd edək ki, ölkəmizi UEFA Çempionlar Liqasında "Araz-Naxçıvan" təmsil edəcək. Komandanın mübarizəyə hansı mərhələdən başlayacağı püşkatma ərəfəsində açıqlanacaq reytinq cədvəlinə uyğun müəyyənləşəcək.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2024
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30 31