“Hazırda bu məsələ AFFA-da rəhbərlik tərəfindən ən aktiv müzakirə olunan məsələlərindən biridi”

“Hazırda bu məsələ AFFA-da rəhbərlik tərəfindən və Futzal Federasiyası tərəfindən ən aktiv müzakirə olunan məsələlərindən biridir”.

Futbolxeber.az saytının məlumatına görə, bunu AFFA-nın baş katibi Sərxan Hacıyev futzal üzrə ölkə çempionatında İran və Əfqanıstandan xeyli sayda legionerin cəlb olunması məsələsinə münasibət bildirərkən deyib.

O, yeni mövsümdən bu məsələ ilə bağlı qərar qəbul olunacağını bildirib: “Gələn ildən Premyer Liqada çıxış edən legioner məsələsinə limit və kriteriyaların tətbiq edilməsi ciddi şəkildə müzakirə edilir. Məsələn, ola bilsin ki, Premyer Liqada gəlib çıxış etmək üçün legioner öz ölkəsindəki yüksək liqasında, ya millisində oynamalıdır. Məsələn, Əfqanıstan yığmasının üzvü olmalıdır ki, Azərbaycanda çıxış edə bilsin. Bunu misal üçün deyirəm. Bununla bağlı müzakirələr gedir”.