“Azərbaycan milli istənilən rəqibə qarşı mübarizə aparacaq gücdədi”

Futzal üzrə Avropa çempionatının əsas mərhələsində B qrupunun qarşılaşmaları keçirilib. Futbolxeber.az-ın məlumatına görə, sözügedən qrupda yer alan Azərbaycan millisi ötən gün son oyunda Macarıstanı 6:1 hesabı ilə məğlub edib və qitənin çempionatının final mərhələsinə lider kimi yollanıb.

 

Matçdan sonra açıqlama verən macarların baş məşqçisi Sito Rivero məğlubiyyəti belə şərh edib: “Həm qələbə, həm də final mərhələsinə vəsiqə qazanması münasibətilə Azərbaycan milli komandasını təbrik edirəm. Oyuna gəldikdə, ikinci hissənin ortalarına qədər 5-in 4-ə çıxış edirdik. Hiss edirdim ki, oyunçularım əsəbi və gərgindirlər. Rəqibin vurduğu dördüncü qoldan sonra mübarizə bizim üçün bitdi. Azərbaycan millisinin üzvləri yüksək səviyyədə çıxış etdilər və onlar istənilən rəqibə qarşı mübarizə aparacaq gücdədirlər. Biz isə pley-off mərhələsindəki rəqibimizi gözləyəcəyik”.