“Ehtiram Quliyev "Turan Tovuz"dan getsə, mən də gedəcəm”

“Turan Tovuz”un vitse-prezidenti Həsən Zeynalov klubda İdarə Heyətinin sədri Ehtiram Quliyevi əvəzləyəcəyi barədə yayılan xəbərlərə aydınlıq gətirib.

Futbolxeber.az saytının məlumatına görə, o, klubun İdarə Heyətinin sədri postunu tutacağı barədə yayılan xəbərlərin həqiqəqətə uyğun olmadığını söyləyib:

“Bu vəzifəyə Ehtiram müəllim tərəfindən təyin olunmuşam. O, nə qədər buradadır, mən də buradayam. Nə vaxt getsə, mən də onunla gedəcəm”.

Klub rəsmisi “Turan Tovuz”un qeyri-sabit çıxış etməsi ilə razılaşmayıb:

“Dünən “İmişli”yə məğlubiyyət bizi qane etmədi. Uduzmamalı idik. Amma bir oyunla qiymətləndirməyək. İnanıram ki, bu vəziyyəti dəyişəcəyik”.