“Turan Tovuz” - “Zirə” oyununun biletləri satışa çıxarılıb

Azərbaycan Premyer Liqasının VI turu çərçivəsində keçiriləcək “Turan Tovuz” - “Zirə” oyununun biletləri satışa çıxarılıb.

Futbolxeber.az saytının məlumatına görə, bu barədə Tovuz klubunun mətbuat xidməti açıqlama yayıb.

Qeyd olunub ki, birbilet.az saytından istəyiniz sektor və yeri seçməklə onlayn şəkildə biletləri əldə edə bilərsiniz. 

Qiymətlər sektora uyğun olaraq 2, 3 və 5 manat təşkil edir. 

Şəhid ailələri və qazilər onlar üçün ayrılmış sektora fiziki dəvətnamələri stadionuun kassasından ödənişsiz əldə edə bilərlər.  

Elektron bilet almaqda çətinlik çəkən azarkeşlər isə biletləri stadionun kassasından fiziki şəkildə əldə edə biləcəklər.  

Qeyd edək ki, stadiona giriş yalnız fiziki və ya onlayn biletin üzərində olan QR kodu oxutmaqla mümkün olacaq.

Xatırladaq ki, sentyabrın 19-da Tovuz şəhər stadionunda keçiriləcək “Turan Tovuz” - “Zirə” matçı 17:30-da start götürəcək.