“Neftçi” Emil Səfərovla yeni müqavilə imzaladı

Bu gün “Neftçi” PFK ilə futbolçu Emil Səfərov arasındakı müqavilənin müddəti uzadılıb.

Futbolxeber.az saytının məlumatına görə, bu bardə klubun mətbuat xidməti açıqlama yayıb.

23 yaşlı yarımmüdafiəçi ilə yeni 2+1 illik müqavilə imzalanıb.

Peşəkar karyerasının elə ilk illərindəcə yüksək səviyyəli oyunçu olacağının siqnallarını vermiş Emil Azərbaycan Premyer Liqasında 18 yaşında ikən yetirməsi olduğu “Qəbələ”də debüt edib və getdikcə əsas heyətdə möhkəmlənməyə başlayıb, bir müddət sonra isə əsas milli komandaya dəvət alıb.

2024-cü ildə bir neçə başqa təklifi olsa da, seçimini “Neftçi”dən yana edən Səfərov qısa zaman kəsiyində dinamik inkişaf potensialı nümayiş etdirərək, “ağ-qaralar”ın aparıcı üzvlərindən birinə çevrilib. 2 il ərzində Emil “Neftçi”nin heyətində bütün turnirlərdə 50 oyuna 3 qol vurub və 5 məhsuldar ötürmə edib.