Murad Məmmədov “Pafos”da qol hesabını açdı: “Zalsburq”u məyus etdi

“Neftçi”nin yetirməsi Murad Məmmədov Kiprin “Pafos” klubunun heyətində qol hesabını açıb.

Futbolxeber.az saytının məlumatına görə, 20 yaşlı vinger UEFA Avropa Liqasının 3-cü təsnifat mərhələsinin cavab oyununda Avstriya “Zalsburq”unu məyus edib.

Görüş 3:3 hesabı ilə başa çatıb. Meydana 82-ci dəqiqədə daxil olan Murad, 2 dəqiqə sonra komandasının 3-cü qolunu vurub. “Pafos”un digər qollarına Lele və Qabriel Teyşeyra imza atıblar. “Zaltsburq”un heyətində isə Tabakoviç het-trik edib.

İlk oyunda 0:1 hesabı ilə uduzan “Pafos” iki görüşün nəticəsinə görə 3:4 hesabı ilə məğlub olaraq Avroliqada mübarizəni dayandırıb. Komanda çıxışını Konfrans Liqasının pley-offunda davam etdirəcək.